كۆمپانیای ئاسیاسێل پڕۆسەی نوێكردنەوەو گەشەپێدانی تۆڕەكەی لە هەمو بەشەكانی عیراق راگەیاند.
لە راگەیەنراوێكدا كۆمپانیای ئاسیاسێڵ رایگەیاندوە، پرۆسەی نوێكردنەوەكە لە كاتژمێر 12ی شەوی 10 لەسەر 11ی نیسانی 2025 دەستیپێكردوە تا كاتژمێر 7ی سەرلەبەیانی بەردەوام بوە ئەویش بۆ دڵنیابون لە دروستبونی كەمترین كاریگەری لەسەر بەشداربوانی و سەرجەم خزمەتگوزارییەكانی بێبەرامبەر پێشكەش بە هەمو بەشداربوانی لە سەرتاسەری عیراقدا كرد كە نزیكەی 20 ملیۆن بەشداربون.
ئەمەی خوارەوە دەقی راگەیەنراوەكەی كۆمپانیای ئاسیاسێڵە:-
هەواڵی ڕۆژنامەوانی
ئاسیاسێل ئاهەنگی سەركەوتنێكی ستراتیژیی دەگێڕێت كە نوێگەرییەكی تەواوی لەناو تۆڕ و سیستەمەكەیدا كردووە بەمەبەستی بەهێزكردنی پێشەنگایەتی و بەرزكردنەوەی خزمەتگوزارییەكانی بۆ ئاستێكی جیاواز و نوێ.
كۆمپانیای ئاسیاسێڵ پڕۆسەیەكی بەرفراوانی نوێكردنەوە و گەشەپێدانی بونیادی ژێرخانەكەی و تۆڕەكەی لە هەموو بەشەكانی عێراق ڕادەگەێنێت، لە هەنگاوێكدا كە نیشانەی پابەندبوونی بەردەوامییەتی بۆ پێشكەشكردنی خزمەتگوزاریی پێشكەوتوو و باشتركردنی ئەزموونی بەكارهێنەرانی.
لە سۆنگەی پابەندبوونیەوە بۆ بەرزكردنەوەی كواڵیتی خزمەتگوزارییەكانی، ئاسیاسێڵ سیستەمەكانی كارپێكردنی بە شێوەیەكی تەواو نوێ كردووەتەوە لە پێناو ئامادەكاری بۆ پەیوەندییە پێشكەوتووەكان و تەكنەلۆژیای ژیریی دەستكرد، كە ڕێگە دەدات بە پێشكەشكردنی كۆمەڵێكی پێشكەوتوو و بەرفراوان لە خزمەتگوزاری بە بەشداربووەكانی، ئەمەش كاریگەرییەكی ڕاستەوخۆی هەیە لەسەر باشتركردنی كارایی تۆڕەكەی.
لە ماوەی ئەم پڕۆسەی نوێكردنەوە و گەشەپێدانەیدا كە لە كاتژمێر 12ی شەوی ١٠ لەسەر 11ی نیسانی 2025 دەستی پێكرد و هەتا كاتژمێر 7ی بەیانی بەردەوام بوو، وە بۆ دڵنیابوون لە دروستبوونی كەمترین كاریگەری لەسەر بەشداربووانی، ئاسیاسێڵ سەرجەم خزمەتگوزارییەكانی بێبەرامبەر پێشكەش بە هەموو بەشداربووانی لە سەرتاسەری عێراقدا كرد كە نزیكەی 20 ملیۆن بەشداربوون.
بەم نوێكردنەوەیە، ئاسیاسێڵ درێژە بە بەهێزكردنی پێگەی پێشەنگی خۆی دەدات وەك كۆمپانیایەكی پەیوەندییەكان لە عێراقدا كە خاوەنی باشترین خزمەتگوزاری و خێراترین تۆڕە لە بواری پەیوەندییەكاندا.
ئاسیاسێڵ جەخت لەسەر پابەندبوونی بەردەوامی خۆی دەكاتەوە بۆ داهێنان و گەشەپێدان، بەشێوەیەك كە لەگەڵ خواست و پێداویستییەكانی بەشداربووانیدا بگونجێت لە سەرتاسەری وڵاتدا.
ئاسیاسێڵ سوپاسی هەموو بەشداربووانی دەكات بۆ متمانەیان و بەڵێنیان پێدەدات كە بەردەوام بێت لە پێشكەشكردنی باشترین خزمەتگوزاری.
پەیوەندییە گشتییەكان و میدیا