نەوا-
ئیڤان فایەق وەزیری كۆچ و كۆچبەرانی عیراق لەگەڵ عەلی یەرلیكایا وەزیری ناوخۆی توركیا لە ئەنقەرە كۆبۆوە.
لەبارەی كۆبونەوەكەوە یەرلیكایا بڵاویكردەوە، پێشوازیكردوە لە وەزیری كۆچ و كۆچبەرانی عیراق و شاندێكی یاوەری، لە كۆبونەوەیەكدا یادداشتنامەیەكی لێكتێگەیشتنیان لە نێوان هەردوو وڵات بۆ بەرەنگاربونەوەی كۆچی نایاسایی و گەڕاندنەوەی ئارەزومەندانەی ئاوارە عیراقییەكان لە توركیا واژۆ كراوە.
وەزیری ناوخۆی توركیا جەختیشی كردۆتەوە، هەردو وڵات لەمەولا لە بواری بەرەنگاربونەوەی كۆچی نایاسایی هاوكاری یەكتر دەبن.