نەوا-
میدیاكانی ئیسرائیل بڵاویانكردەوە، حكومەتی وڵاتەكەیان نیگەرانە لە پێداگری دۆناڵد ترەمپ سەرۆكی ئەمریكا لە كشاندنەوەی هێزەكانیان لە سوریا.
ئاژانسە فەرمییەكانی ئیسرائیل بڵاویانكردوەتەوە كە گەورە بەرپرسانی كۆشكی سپی بەرپرسانی ئیسرائیلیان لە پێداگری دۆناڵد ترەمپ لە كشاندنەوەی هێزەكانی ئەمریكا لە سوریا ئاگاداركردوەتەوە بەوهۆیەشەوە تەل ئەبیب نیگەران بوەو ئەگەر هەیە ئەو هەنگاوە كاریگەریی لەسەر رەوشی ئەو وڵاتە بكات.
باسیان لەوەشكردوە، رۆژنامەی واشنتن پۆست ئامارێكی لەبارەی ژمارەی سەربازانی ئەمریكا لە سوریا بڵاوكردوەتەوەو باسی لەوە كردوە كە مەزەندە كراوە لەنێوان یەك هەزارو 100 سەرباز بۆ 2 هەزار سەربازی ئەمریكا لە سوریا جێگیر كرابێت.