نەوا-
جۆ بایدن سەرۆكی ئەمریكا رەزامەندیدا لەسەر فرۆشتنی چەك بە ئیسرائیل بە بەهای 8 ملیار دۆلاری ئەمریكی.
ئاژانسی رۆیتەرز لەزاری دو بەرپرسی ئەمریكاوە بڵاویكردۆتەوە، ئیدارەی جۆ بایدن سەرۆكی ئەمریكا كۆنگرێسی لە پێشنیاری فرۆشتنی چەك بە ئیسرائیل بەبڕی 8 ملیار دۆلار ئاگاداركردۆتەوە، واشنتۆنیش پشتیوانی لە هاوپەیمانەكەی خۆی دەكات و دەیپارێزێت لەو شەڕانەی غەزە كە بوەتە هۆی كوژرانی دەیان هەزار كەس.
ئەوەش راگەیەنراوە، پێشنیارەكە پێویستی بە رەزامەندی ئەنجومەنی نوێنەران و لیژنەكانی ئەنجومەنی پیران دەبێت، لەگەڵ ئەوەشدا تەقەمەنی بۆ فڕۆكە جەنگییەكان و كۆپتەرە هێرشبەرەكان و هەروەها تۆپخانەكان لەخۆدەگرێت، بەگوێرەی سەرچاوەكانیش پێشنیارەكە رەوانەكردنی بۆمبی تیرە بچوك و موشەكی جەنگییش لەخۆدەگرێت.