نەوا-
بەهۆی هێرشەكانی ئیسرائیلەوە بۆ سەر كەرتی غەزە تەنها لەماوەی دوو هەفتەی رابردودا 490 فەڵەستینی كوژراون.
وەزارەتی تەندروستی فەڵەستین لەكەرتی غەزە لە راگەیەنراوێكدا ئاماری قوربانیانی فەڵەستینی لەكەرتی غەزە بڵاوكردەوە.
لە راگەیانراوەكەدا هاتوە، لە دوو هەفتەی رابردودا بەهۆی هێرشەكانی ئیسرائیلەوە بۆ سەر كەرتی غەزە 490 فەڵەستینی كوژراون و یەك هەزارو 283 كەسی دیكە بریندار بون، لەگەڵ ئەم ئامارەشدا ژمارەی ئەو فەڵەستینیانەی كە تائێستا بەهۆی هێرشەكانی ئیسرائیلەوە لە غەزە گیانیان لەدەستداوە بەرزبوەتەوە بۆ 45 هەزارو 717 كەس و ژمارەی بریندارانیش گەیشتوەتە 108 هەزار و 856 كەس.
وەزارەتی تەندروستی فەڵەستین لە كەرتی غەزە جەختیشیكردۆتەوە، بەشێك لە تەرمەكان لە ژێر داروپەردوی روخاوی باڵەخانەكاندا ماونەتەوەو بەهۆی رێگرییەكانی ئیسرائیلەوە دەرهێنانیان ئەستەم بوە.