نەوا-
بەهۆی زنجیرەیەك هێرشی ئاسمانی سوپای ئیسرائیل بۆ سەر سەنعای پایتەخت و پارێزگای حودەیدە لە رۆژئاوای یەمەن، ژمارەیەك مەدەنی كوژراون و برینداربون.
ئاژانسی هەواڵی سەبا كە سەر بە حوسییەكانە بڵاویكردۆتەوە، فڕۆكەكانی ئیسرائیل شەش هێرشی ئاسمانی كردوەتە سەر وێستگەی كارەبای حەزیز لە باشوری سەنعای پایتەخت و وێستگەی زەهبان لەباكوری سەنعا، هەروەها هێرشی ئاسمانیشی كردوەتە سەر بەندەری حودەیدەو دامەزراوەی نەوتی رەئس عیسا.
ئاژانسەكە ئاشكراشیكردوە كە بەهۆی ئەو هێرشانەوە ژمارەیەك كەسی مەدەنی كوژراون و برینداربون.