نه‌وا
هێزی پاراستنی گه‌ل (هه‌په‌گه) رایگه‌یاند، له ناوچه‌ی بازیدی باكوری كوردستان گه‌ریلاكانیان چالاكیه‌كیان ئه‌نجامداوه و ئه‌فسه‌رێكی پله باڵا و حه‌وت سه‌ربازی تورك له‌و چالاكیه‌دا كوژراون و له چه‌لێش دوو سه‌نگه‌ری سوپای توركیا تێكشكێنراون.
به‌پێی راگه‌یه‌نراوێكی هه‌په‌گه، به‌ره‌به‌یانی 29 ی ئاب گه‌ریلاكانیان چالاكیه‌كیان له دژی سوپای توركیا له ناوچه‌ی بازیدی ئاگری ئه‌نجامداوه.
رونیشیكرده‌وه، له مه‌ودای پێنج مه‌تریه‌وه سه‌ربازانی توركیا كراونه‌ته ئامانج و له ئه‌نجامدا 8 سه‌رباز كه یه‌كێكیان ئه‌فسه‌ری پله باڵا بووه كوژراون.
هه‌په‌گه باسی له‌وه‌شكردووه، كه میدیای توركیا ته‌نها باسیان له كوژرانی دوو سه‌رباز كردووه، كه ئه‌وه راست نییه.
ئاماژه‌ی به‌وه‌شكردووه، كه رۆژی 28 ی ئابیش له چه‌لێی جۆله‌مێرگ گه‌ریلاكانیان دوو سه‌نگه‌ری سوپای توركیایان تێكشكاندووه، كه تا ئێستا ژماره‌ی كوژراو و برینداره‌كان نه‌زانراوه.