نەوا-
بەهۆی نوقومبونی بەلەمەكەیانەوە ژمارەیەك كۆچبەر خنكان و زیاتر لە 20 كەسیان رزگار كران.
دەزگای لوتكە بۆ كاروباری ئاوارەو پەنابەران بڵاویكردوەتەوە، بەپێی زانیارییەكانیان 7 كۆچبەر بەهۆی وەرگەڕانی بەلەمەكەیانەوە لەنزیك دورگەی لێسبۆس لە دەریای ئیجە گیانیان لەدەستداوە هاوكات 23 كۆچبەری دیكە رزگاركراون.
راشیگەیاندوە، بەلەمەكە لە نزیك دورگەی لێسبۆس لە دەریای ئیجە وەرگەڕاوەو گەڕان بەدوای ئەگەری رزگاربوان بەردەوامە كۆی ژمارەی كۆچبەرانیش بە 30 كەس دەخەمڵێنرێت و سێ منداڵی خوار تەمەنی یاسایی لەنێو ئەو كەسانەدا بون كە گیانیانلەدەستداوە.
هەر بەپێی زانیارییەكانی دەزگای لوتكە، كۆچبەرەكان خەڵكی وڵاتانی لیبیاو سۆماڵ بون.