نەوا-
سوپای ئیسرائیل رایگەیاند، هێزەكانیان هێرشیان كردۆتە سەر ئەو پێكهاتە سەربازیانەی كە لە دیمەشق ماونەتەوە.
ئەڤیخای ئەدرعی وتەبێژی سوپای ئیسرائیل رایگەیاند، هێزەكانی ئاسایشی نێودەوڵەتی هێرشیانكردە سەر ئەو توانا سەربازییانەی كە لە ناوچەی بنكەكانی حەما لە سوریادا مابونەوە، لەگەڵ چەندین ژێرخانی سەربازی كە لە ناوچەی دیمەشق مابونەوە.
ئاماژەی بەوەشكرد، سوپای ئیسرائیل بەردەوام دەبێت لە كاركردن بۆ نەهێشتنی هەر مەترسییەك بۆ سەر هاوڵاتیانی ئیسرائیل.
لەلایەكی دیكەشەوە ئاژانسی هەواڵی سوریا بڵاویكردەوە، فڕۆكە ئیسرائیلییەكان هێرشێكی ئاسمانییان كردە سەر بینای توێژینەوەی زانستی لە ناوچەی نیشتەجێبونی بەرزە لە دیمەشق.
باس لەوەشكراوە، لەگەڵ تەقینەوەكانی دیمەشق و حەما، فڕۆكەكانی ئیسرائیل دەوروبەری فڕۆكەخانەی سەربازی حەما و دەوروبەری فڕۆكەخانەی سەربازی T4یان كردە ئامانج.
هەروەها، سەرچاوە ناوخۆییەكان پشتڕاستیانكردۆتەوە كە فڕۆكە ئیسرائیلییەكان بە شەش هێرشی ئاسمانی لەسەریەك فڕۆكەخانەی سەربازی حەمایان كردۆتە ئامانج.