نەوا-
سەرۆكی حكومەتی هەرێمی كوردستان فەرمانی بە قەزاكردنی تەقتەقی ئیمزا كرد.
لە فەرمانەكەدا كە چەند میدیایەك بڵاویانكردۆتەوە ئەوە هاتوە، پاڵپشت بە فەرمانی هەرێمی ژمارە 335 و بەفەرمانی مەسرور بارزانی سەرۆكی حكومەتی هەرێمی كوردستان بڕیار دراەی بە هێنانەكایەی قەزای تەقتەق لەسنوری پارێزگای هەولێر بەهەمان سنوری ئێستایەوە، فەرمانی بە قەزاكردنەكەش لەڕۆژی دەرچونیەوە واتا لە رۆژی 14-10وە جێبەجێ دەكرێت.
ئەوەش رونكراوەتەوە، پێشتر سەرۆكی حكومەتی هەرێمی كوردستان لە وتارێكدا ئەوەی راگەیاندبو كە بە قەزاكردنی تەقتەق یارمەتیدەرێكی زۆر دەبێت بۆ خەڵكی ناوچەكەو بارگرانی ئیداری لەسەر شاری كۆیە كەم دەبێت و تایبەتمەندییەكی زیاتریش بە تەقتەق دەدرێت.