نەوا-
بەڕێوەبەرایەتی گشتی كارەبای سلێمانی نرخی كارەبای كۆمەڵگاكانی نیشتەجێبون (ستییەكان)ی 
دیاریكرد.
لە راگەیەنراوێكدا بەڕێوەبەرایەتی گشتی كارەبای سلێمانی بڵاویكردۆتەوە، لیژنەی باڵای دیاریكردنی نرخی كارەبای كۆمەڵگاكانی نیشتەجێبون كۆبونەوەیەكی سازكردو تیایدا نرخی كیلۆواتی كارەبای موەلیدەی بۆ مانگی 10 دیاریكرد كە بریتییە لە 260 دینار بۆ هەر كیلۆواتێك.
راشیگەیاندوە، بەگوێرەی نرخی گازوایل لەبازاڕو ئەو توێژینەوەیەی بۆ خەرجی موەلیدەی ستییەكان ئامادەكراوە، نرخی كیلۆوات ئاوەرێك كارەبای موەلیدەی ستییەكان بۆ ئەم مانگە بریتییە لە 260 دینار.
جێی ئاماژەیە بۆ مانگی 9ی رابردو نرخی كیلۆواتێك كارەبای موەلیدەی ستییەكان 253 دینار بوو.