نەوا-
بەفەرمانی جێگری سەرۆكی حكومەتی هەرێمی كوردستان موچەی خانەنشینانی هێزەكانی 70 خەرج دەكرێت.
سایتی فەرمی یەكێتی بڵاویكردۆتەوە، لەسەر فەرمانی قوباد تاڵەبانی جێگری سەرۆكی حكومەت موچەی تەواوی ئەو خانەنشینانەی هێزەكانی 70 خەرجكرا كە موچەكانیان گرفتی هەبو.
راشیگەیاندوە، لیوا روكن عومەر ساڵح حەسەن فەرماندەی هێزەكانی 70  داوای لە قوباد تاڵەبانی كردوە كە موچەی ئەو خانەنشیانەی هێزەكانی 70 كە گرفتیان بۆ دروست بوە خەرج بكرێت، جێگری سەرۆكی حكومەتیش وەڵامی داواكەی داوەتەوەو فەرمانی كردوە بە خەرجكردنی موچەی تەواوی ئەو خانەنشینانەی كە گرفتیان هەبوە.
پێشتر وەزارەتی دارایی و ئابوری هەرێمی كوردستان لە راگەیەنراوێكدا ئاماژەی بەوەكردبو، ژمارەیەك لەو خانەنشینانەی هێزەكانی 70 دۆسییەیان نیە یاخود كەموكوڕی تیادایەو چەندین ساڵە وەزیری دارایی بڕیاری خەركردنی موچەكانیانی داوە، بۆیە لەمەودوا ناچێتە ژێر بەرپرسیارێتی خەرجكردنی موچەی ئەو خانەنشینانە.