نەوا-
سەرۆكی دەستەی گەشتوگوزارو كونسوڵی سریلانكا بەهێزكردنی پەیوەندییەكانی نێوان دەستەی گەشتوگوزاری هەرێمی كوردستان و دامەزراوە گەشتیارییەكانی وڵاتی سریلانكایان تاوتوێكرد.
بەگوێرەی راگەیەنراوێكی دەستەی گەشتوگوزار، ئەمەل جەلال سەرۆكی دەستەی گەشتوگوزار لەگەڵ ئەحمەد جەلال كونسوڵی فەخری وڵاتی سریلانكا لە هەرێمی كوردستان كۆبۆوەتەوەو گفتوگۆیان كردوە لەبارەی بەهێزكردنی پەیوەندییەكانی نێوان دەستەی گەشتوگوزاری هەرێمی كوردستان و دامەزراوە گەشتیارییەكانی وڵاتی سریلانكا بەمەبەستی زیاتر برەودان بە كەرتی گەشتیاری هەرێمی كوردستان و ئەنجامدانی چالاكی هاوبەش بۆ زیاتر ناساندن و بەبازاڕكردن بۆ هەرێمی كوردستان وەك روگەیەكی گەشتیاری.
لەوبارەیەوە سەرۆكی دەستەی گەشتوگوزار بە گرنگیەوە باسی لە دروستكردنی پەیوەندیی پتەو لەگەڵ وڵاتی سریلانكا لە بواری گەشتیاریی كردوە بەمەبەستی سودوەرگرتن لە ئەزمونی ئەو وڵاتە بۆ بەرزكردنەوەی ئاستی توانای كارمەندانی گەشتیاری لە رێگەی خولی راهێنان.