نەوا-
كۆمسیۆنی شاهانەی شاری ریازو وەزارەتی وەرزشی سعودیە دیزاینەكانی یاریگای شا سەلمانی ئاشكرا كرد كە دەبێتە یەكێك لە گەورەترین یاریگاكانی جیهان. 
كۆمسیۆنی شاهانەی شاری ریازو وەزارەتی وەرزشی سعودیە دیزاینەكانی یاریگای شا سەلمان و دامەزراوە وەرزشییەكانی ئاشكرا كرد كە دەبێتە یەكێك لە گەورەترین یاریگاكانی جیهان كە دەكەوێتە ریازی پایتەخت و دەبێتە بارەگای سەرەكی هەڵبژاردەی تۆپی پێی سعودیە، هەروەها میوانداری پاڵەوانێتییە وەرزشییە گەورەكانیش دەكات.
یاریگاكە بڕیارە لەكۆتایی ساڵی 2029 تەواو بێت و دەكەوێتە باكوری شاری ریاز لەسەر رێگای شا سەلمان لە تەنیشت پاركی شا عەبدولعەزیز، ئەو یاریگایە بەوە جیادەكرێتەوە كە نزیكە لە شوێنە گرنگەكانی شار وەك فڕۆكەخانەی نێودەوڵەتی شا خالید بۆ وێستگەی شەمەندۆفێری ریازو رێگا سەرەكییەكان، ئەمەش وا دەكات لە هەمو شوێنێكی شارەوە توانای گەیشتن بە یاریگاكە ئاسان بێت.
دیزاینی یاریگاكە لەنێوان چەند دیزاینێك هەڵبژێردرا كە لەلایەن 6 كۆمپانیای نێودەوڵەتی تایبەتمەندەوە پێشكەشكرابون، بەشێوەیەك كە لەگەڵ پێداویستییەكانی فیدراسیۆنی نێودەوڵەتی تۆپی پێ (فیفا) و ستانداردەكانی بگونجێت یاریگاكە توانای میوانداریی 92 هەزار  كەس و چەندین شوێنی تایبەتی هەیە.