نەوا – 
باوكێك لە بەغدا كچە گەنجەكەی بۆ فرۆشتن بەرامبەر 5 هەزار دۆلاری ئەمریكی نمایش دەكات، بەڵام لەلایەن هێزە ئەمنییەكانەوە دەستگیر دەكرێت.
ئاژانسی هەواڵگری عیراق بڵاویكردووەتەوە، مەفرەزەكانیان زانیاریان بەدەست گەیشت كە كەسێك كچەكەی خۆی كە نەگەیشتووەتە تەمەنی پێگەیشتن نمایش كردووە بۆ فرۆشتن، ئەویش بەرامبەر 5 هەزار دۆلار.
رونیشكراوەتەوە، دەستبەجێ تیمێكی هەواڵگری و لێكۆڵینەوە و كۆكردنەوەی زانیاری پێكهێنرا و شوێن و كاتی فرۆشتنی كچەكە ئاشكرا كرا و تۆمەتبار كە باوكی كچەكەیە دەستگیر كرا و پرۆسەی فرۆشتنەكە شكستی پێهێنرا.
هەواڵگری عیراق جەختی لەوەش كردووەتەوە، ئەو باوكە بەبێ‌ گوێدانە چارەنوسی كچەكەی هەوڵی داوە بیفرۆشێت بەرامبەر بڕێك پارە، وتەی تۆمەتبار وەرگیراوە و رەوانەی لایەنی تایبەتمەند كراوە بۆ ئەوەی روبەڕووی دادگا بكرێتەوە و سزای خۆی وەربگرێت.