نەوا-
سامان ئیسماعیل بەڕێوەبەری بەنداوی دەربەندیخان ئاشكرای كرد، بەراورد بە ساڵی رابردوو ئاستی ئاوی بەنداوەكە مەترێك و 68 سانتیمەتر زیاترە، ئومێد دەكەن لە مانگی چواردا ئاستی ئاوەكە زیاتر بەرزببێتەوە.
سامان ئیسماعیل لە لێدوانێكی رۆژامەوانیدا ئاماژەی بەوەداوە، ئاستی ئاوی بەنداوی دەربەندیخان بەراورد بەساڵی رابردوو تاوەكو ئەمكاتە مەترێك و 68 سامتیمەتر زیاترە، بەشێوەیەكی گشتیش بەنداوەكە لە 50% ئاوی تێدایە.
رونیشیكردووەتەوە، بەراورد بە ساڵی پار ئەمساڵ رۆژانە بڕی 25 مەتر موكەعەب ئاو دەچێتە بەنداوەكەوە لە كاتێكدا ساڵی پار رۆژانە لەم كاتەدا 17 مەتر ئاوی تێدەچوو، رێژەی باران بارین تاوەكو ئەمكاتە 346 ملم بووە لە دەربەندیخان.
سەبارەت بە ئەگەری كەمئاوی بەڕێوەبەری بەنداوی دەربەندیخان جەختی لەوە كردووەتەوە، جارێ ناتوانن بڵێن مەترسی كەم ئاوی تێپەڕیوە یاخود نا، هێشتا كات ماوە بۆ باران بارین و ئومێد دەكەن لە مانگی چواردا بارانی زیاتر ببارێت.