نەوا-
حكومەتی عیراق هاوكارییە مرۆییەكانی بۆ كەرتی غەززە و لوبنان رادەگرێت.
زیدان خەڵەف عەتوان راوێژكاری سەرۆك وەزیرانی عیراق بۆ مافەكانی مرۆڤ و سەرۆكی لیژنەی باڵای هاوكاریكردنی لوبنان و كەرتی غەززە رایگەیاند، لە ناوخۆی عیراق و بە تایبەتیش رێكخراوە مرۆییەكان بەردەوامن لە كۆكردنەوەی هاوكاری مرۆیی بۆ فەڵەستین و لوبنان كە پێشتر سەرجەم هاوكارییەكان لە رێگەی سوریاوە دەگەیەنرانە ئەو دوو وڵاتە.
ئاماژەی بەوەشدا، تائێستا هەزاران تۆن هاوكاری مرۆیی وەك پێداویستی تەندروستی و خۆراكی بۆ لوبنان و كەرتی غەززە رەوانەكراون، بەڵام لە ئێستادا هیچ رێگەیەكی وشكانی و ئاسمانی بەردەست نییە و لەبەرئەوە ناردنی سەرجەم هاوكارییەكان لە عیراقەوە بۆ كەرتی غەززە و لوبنان راگیراون.