نەوا-
ئەو شەپۆلی باران بارینە بەلێزمەیەی ماوەی هەفتەیەكە روی لە ئیسپانیا كردوە، ناوچەی كەتەلۆنیای باكوری رۆژهەڵاتی ئەو وڵاتەی گرتەوە.
بەهۆی بارانی بەلێزمەوە لە شارەكانی بەرشەلۆنا، جیرۆناو تاراگۆنا هاتوچۆ پەكیكەوت و بەڕێوەبەرایەتی كاروباری فڕۆكەخانەكانی ئیسپانیا لە راگەیانراوێكدا بڵاویكردۆتەوە كە بڕی 81 لیتر باران لەسەر مەترێك چوارگۆشەی فڕۆكەخانەی نێودەوڵەتی بەرشەلۆنا باریوەو ئاو چوەتە ناوچەیەكی زۆری فڕۆكەخانەكە.
بەرپرسانی ناوچەكە باسیان لەوەكردوە كە بەهۆی زیانەكانی لافاوەكەوە لانیكەم 50 گەشت هەڵوەشێنراوەتەوەو 17 فڕۆكە لە فڕۆكەخانەكانی دیكە نیشتونەتەوە.