نەوا-
لەقەزای تەلەعفەری سەر بە پارێزگای نەینەوا قەڵایەكی مێژویی نۆژەندەكرێتەوە كە لەلایەن چەكدارانی داعشەوە روخێنرابو.
خەلیل موحسین قائیمقامی تەلەعفەر لە لێدوانێكدا رایگەیاندوە، دوای ئەوەی لەساڵی 2014دا داعش دەستی بەسەر شاری موسڵ و ناوچەكانیدا گرت، قەڵای تەلەعفەری روخاندو لەئێستادا دەستكراوە بە كارەكانی نۆژەنكردنەوەی.
وتیشی: لە سەرەتادا دەستكراوە بەنۆژەنكردنەوەی شورای قەڵاكە كە نزیكەی 300 مەترە چاوەڕوان دەكرێت كارەكانی نۆژەنكردنەوەكە لە ماوەی دوو ساڵی داهاتودا تەواو ببێت.
خەلیل موحسین وتیشی: كاری نۆژەنكردنەوەی قەڵاكە بەبڕیاری پارێزگاری نەینەوا ئەنجام دەدرێت و بودجەیەكی بەبڕی 650 هەزار دۆلاری بۆ تەرخان كراوە، بەڵام بەو بڕە پارەیە تەواو نابێت بۆیە داوا لە حكومەتی عیراق دەكەین بودجەیەكی زیاتر بۆ تەواوكردنی پڕۆژەكە تەرخان بكات.