لەنێوان بەسرەو بابلدا 200 فەردە ئاردی بەشەخۆراك دەستی بەسەردا گیرا

12/11/2023 عێراق

نەوا-
بەڕێوەبەرایەتی چاودێری بازرگانی و دارایی سەر بە وەزارەتی بازرگانی عیراق رایگەیاندوە، لەكاتی گواستنەوەیدا بۆ پارێزگاكان دەستیان بەسەر بڕێك ئاردی بەشە خۆراكدا گرتوە.
ریاز مەهدی موسەوی بەڕێوەبەری گشتی بەڕێوەبەرایەتیەكە لە راگەیەنراوێكدا ئاماژەی بەوەكردوە، تیمەكانی چاودێری بازرگانی بە هەماهەنگی لەگەڵ دەزگا ئەمنیەكان ئۆتۆمبێلێكی بارهەڵگریان دەستگیر كردوە كە بەرەو پارێزگای بابل بەڕێكەوتبو تیایدا 200 فەردە ئاردی باركردبو كە تایبەت بو بە سەبەتەی خۆراك كە هەر فەردەیەك 50 كیلۆگرام ئاردی تیادا بوەو بەرهەمی ئاشێكی تایبەتی پارێزگای بەسرە بوە.
راشیگەیاندوە، ئەو ئاشی ئاردە لەگەڵ وەزارەتی بازرگانی گرێبەستی هەیە كە ناتوانێت بەرهەمەكانی لە بازاڕدا ساغ بكاتەوە، بەڵام هەوڵیداوە ئەو ئاردانە بخاتە بازاڕەكانی بابلەوەو بە نیشانەی ساختەو بە نرخی رەش ساغیان بكاتەوە.

شەپۆلەکانی نەوا

  • زۆرترین خوێندراو
  • دواترین هەواڵ
Copyright © 2017 - Radio Nawa. Designed and Developed by Avesta Group