نەوا-
سەبارەت بە كۆمپانیاكانی بواری سیستمی غازی (LPG)، پارێزگای هەولێر ئاگادارییەكی بڵاوكردەوەو داوای كرد لە كۆمپانیاكانی بواری غاز لەماوەی یەك هەفتەدا سەردانی پارێزگا بكەن.
لە بەشێكی ئەو ئاگادارینامەیەدا هاتوە، داوا لە هەموو ئەو كۆمپایانیانە دەكەن كە لە بواری غازی LPG كاردەكەن لە بەرواری 11/12/2022ـەوەوە بۆ ماوەی یەك هەفتە سەردانی پارێزگا بكەن و خۆیان ناونوس بكەن زانیارییەكانیان پێشكەش بكەن بۆئەوەی لیژنەی تایبەت سەردانیان بكات و بابەتی رێگەپێدانیان تاوتوێ بكرێت.
لە ماوەكانی رابردودا بەهۆی لێچونی غازەوە چەند هاووڵاتیەكی هەرێمی كوردستان بونە قوربانی، بەوهۆیەشەوە حكومەتی هەرێم چەند رێنماییەكی لەبارەی بەكارهێنانی ئەو سیستمە بڵاوكردەوە، هەروەها مەسرور بارزانی سەرۆكی حكومەتی هەرێم بڕیاریدا كە بەكارهێنانی سیستمی غاز لە هەرێم رابگیرێت تا ئەوكاتەی رێكاری نوێ جێبەجێ دەكرێت.