"هه‌ڵبژاردن و سیستمه‌كانی" به‌رنامه‌یه‌كی سپۆنسه‌ركراوی رادیۆ نه‌وایه، كه دوو هه‌فته جارێك له رۆژانی سێشه‌ممه كاتژمێر 5 بۆ 6ی ئێواره پێشكه‌شده‌كرێت.
ئه‌ڵقه‌ی شه‌شه‌می به‌رنامه‌ی "هه‌ڵبژاردن و سیستمه‌كانی"ی به‌سپۆنسه‌ری رێكخراوی ماڵی سه‌ركه‌وتن بۆ گه‌شه‌پێدانی تواناكان، كه رۆژی 3-9-2019 له رادیۆی نه‌واوه پێشكه‌شكرا، تایبه‌ت بوو به پرسی كورسی پێكهاته نه‌ته‌وه‌ییه‌كان به‌میوانداری هه‌ردوو ئه‌ندامی په‌رله‌مان "سۆران عومه‌ر له فراكسیۆنی كۆمه‌ڵی ئیسلامی و به‌ڵێن ئیسماعیل له فراكسیۆنی گۆڕان". هه‌ردوو به‌شداربوی به‌رنامه‌كه به وردی شیكارییان بۆ ژماره و شێوازی هه‌ڵبژاردن‌و كێشه‌ی نوێنه‌رایه‌تی ئه‌و پێكهاتانه كرد له په‌رله‌مانی كوردستان‌و ئه‌نجومه‌نه هه‌ڵبژێردراوه‌كانی دیكه‌ی هه‌رێمی كوردستاندا.