بەڕێوەبەرایەتی ئاماری سلێمانی وردەكاری دابەشكردنی شایستە داراییەكانی كارمەندانی بەشداربوی مەیدانی لەپڕۆسەی سەرژمێریی گشتی دانیشتوان بۆ ساڵی 2024 بڵاوكردەوە.
بەڕێوەبەرایەتی ئاماری سلێمانی بڵاویكردوەتەوە، رۆژی دوشەممەی داهاتو 20-1 لەڕێگەی لیژنەی دابەشكردنی موچە لەتەواوی قەزاكانی پارێزگای سلێمانی و هەڵەبجەو ئیدارەی گەرمیان و راپەڕین دەستدەكرێت بە پێدانی موچەو میوانداری بەشداربوانی خولەكان.
راشیگەیاندوە، موچەی مانگێك بریتیە لە 250 هەزار دینار، لەو بڕە 2 هەزار دینار وەك رسوماتی لێبڕین دەگەڕێتەوە بۆ بەغدا هەروەها 80 هەزار دیناریش وەك شایستەی بەشداریكردنی 8 رۆژی خولی راهێنان وەردەگرێت.
بەڕێوەبەرایەتی ئاماری سلێمانی داواشیكردوە پێویستە بۆ وەرگرتنی شایستەكان كەسی وەرگر خۆی ئامادەبێت و ئەستۆپاكی پێدانەوەی تابلێت و كۆپی پێناسی باری شارستانی یان كارتی نیشتمانی پێبێت.