نەوا-
تائێستا زیاتر لە یەك هەزار سكاڵای هاووڵاتیان لە رێگەی سیستمی سكاڵاوە كە لە 3ی ئابی 2023ـەوە كەوتۆتەكار وەرگیراون.
لەوبارەیەوە مەهدی ئاژگەیی بەڕێوەبەری كاروباری سكاڵای هاووڵاتیان بە فەرمانگەی میدیاو زانیاری راگەیاندوە: هەمو هاوڵاتییەك دەتوانێت لەڕێگەی سیستمی سكاڵای هاووڵاتیان، سكاڵاكانیان پێشكەش بكەن و پاشان لایەنی پەیوەندیدار بەپێی یاسا بڕیاری لەسەر دەدات.
راشیگەیاندوە، سیستمەكە ئەنجومەنی وەزیران و وەزارەتەكان بەیەكەوە دەبەستێتەوەو بە هەماهەنگی كێشەكانی خەڵك چارەسەر دەكرێت، تا ئێستا هەزارو 155 سكاڵا لەم سیستمە لەلایەن هاووڵاتیانەوە تۆمار كراون و زۆربەیان چارەسەر كراون.