نەوا-
عومەر بۆڵات وەزیری بازرگانی توركیا بە یاوەری شاندێك لە كۆمەڵەی هەناردەكاران و یەكێتی بەڵێندەرانی توركیا بە سەردانێكی دوو رۆژە دەگاتە عیراق.
بەگوێرەی زانیارییەكانی ئاژانسەكانی توركیا، بۆلات بەیاوەری شاندێكی بازرگانی لە رۆژانی 18 و 19/11 سەردانی هەریەكە لە بەغدای پایتەخت و پارێزگای بەسرە دەكات و بەشداری لە چەند دیدار و كۆبونەوەیەكدا دەكات كە بە دەستپێشخەری كۆمەڵەی هەناردەكاران و یەكێتی بەڵێندەرانی توركیا  رێكخراوە.
راشیانگەیاندوە كە لە سەردانەكەیدا بڕیارە هەناردەكاران و بەڵێندەرانی توركیا لەگەڵ خاوەنكارە عیراقییەكان كۆببنەوە لەچوارچێوەی كۆڕو كۆبونەوەكاندا پەرەپێدان بە كاری هاوبەش تاوتوێ بكەن.