نەوا-
شانەی راگەیاندنی ئەمنی عیراق كوژرانی چوار چەكداری داعشی لە پارێزگای كەركوك راگەیاند.
شانەی راگەیاندنی ئەمنی ئاماژەی بەوەداوە، فڕۆكە جەنگییەكانی عیراق بە پشتبەستن بە زانیارییە هەواڵگرییەكان لە هێرشێكدا حەشارگەیەكی چەكدارانی داعشیان لە ناوچەی لەیلان سەر بە پارێزگای كەركوك بۆردومان كردوە.
راشیگەیاندوە، لەئاكامی بۆردومانەكەدا چوار داعش كوژراون، هەروەها حەشارگەیەكیش خاپوركراوە.