نەوا-
دونالد ترامپ سەرۆكی ویلایە یەكگرتوەكانی ئەمریكا بە فەرمی بڕیاری دابەزاندنی باجی كێبڕكێیی بەسەر وارداتی كەنەدا، مەكسیك و چین دا. 
رۆیتەرز لێدوانێكی كۆشكی سپی ئەمریكای بڵاوكردۆتەوە ، كە ترامپ فەرمانێكی واژۆ كردوە و باجی كێبڕكێیی بە ڕێژەی 10% بەسەر هەموو وارداتەكانی چین سەپاندووە ،لەگەڵ باجەكانی ئێستاش وئەم بڕیارە دوای ئەوە هات كە چین ڕەتیكردەوە هاوبەشی بكات لەگەڵ ویلایەتە یەكگرتووەكان لە ڕێگەكارەكانی ڕێگرتن لە دەرچوونی ماددەی فێنتانایل، كە ماددەیەكی هۆشبەری بەهێزە و بەشێوەیەكی نایاسایی بەكاردەهێنرێت و بووەتە هۆی كێشەی تەندروستی لە ئەمریكا.
ئەم بڕیارە دوای چەندین مانگ هەڕەشە و باس لەلایەن ترامپەوە هات، كە لە كاتی هەڵمەتی هەڵبژاردنەكەیدا باسی لێكردبوو، ترامپ پێی وایە ئەم باجانە پارێزگاری لە پیشەسازییە ناوخۆیییەكانی ئەمریكا دەكات و ئابووری وڵاتەكەی بەهێز دەكات.
بەگوێرەی پیتەر ناڤارۆ، سەرۆكی ڕاوێژكاری بازرگانی و پیشەسازی لە ئەنجومەنی ترامپ، باجە نوێیەكان بریتین لە:
25% بۆ وارداتی كەنەدا و مەكسیك
10% بۆ وارداتی چین
10% بۆ وارداتی وزە لە كەنەدا، كە كەمترە لە باجەكانی تر
هەروەها، بەپێی ڕاپۆرتی ڕۆیتەرز، ئەم هەنگاوە دوای ئەوە هات كە چین ڕەتیكردەوە هاوبەشی بكات لە ڕێگەكارەكانی ڕێگرتن لە دەرچوونی ماددەی فێنتانایل، كە ماددەیەكی هۆشبەری بەهێزە. 
ترامپ هەروەها باسی لەوە كرد كە كەنەدا ڕۆڵێكی بەرچاو دەگێڕێت لە گواستنەوەی ئەم ماددەیە، بۆیە باجی زیاتری بەسەر وارداتەكانی دانا.
ئابووریناسان ئەم هەنگاوەی ئیدارەكەی ترامپ بە هەڕەشەیەك بۆ ئابووری جیهانی بینیوە،ئەوان پێیان وایە كە باجەكان نرخەكانی كاڵاكانی بۆ بەكارهێنەرانی ئەمریكایی بەرز دەكەنەوە و لەوانەیە كاریگەری نەرێنی لەسەر پەیوەندییە بازرگانییە نێودەوڵەتییەكان هەبێت، بەڵام ترامپ پێی وایە ئەم ڕێكارانە پێویستن بۆ گفتوگۆكردن لەسەر ڕێككەوتنە بازرگانییە باشترەكان و پارێزگاریكردن لە پیشەسازییە ناوخۆیییەكان لە ڕكابەرییە بیانییەكان.
ئەم هەنگاوە لەوانەیە فشارێكی زیاتر بخاتە سەر پەیوەندییەكانی ئەمریكا لەگەڵ هاوپەیمانە بازرگانییە سەرەكییەكانی وەك كەنەدا، مەكسیك و چین، هەروەها لەوانەیە وڵاتەكانی تر بەرەنگاری ئەم باجانە بن و بڕیاری تۆڵەسەندنەوە بەرامبەر ئەمریكا بدەن