نەوا-
بەڕێوەبەری گشتی تەندروستی هەڵەبجە رایگەیاند، رێگەنادەن تاقیگەكانی نەخۆشخانە حكومییەكان بەو نرخەی ئێستا دیاریكراوە پشكنین بۆ نەخۆش بكەن.
ئازاد مستەفا بەڕێوەبەری گشتی تەندروستی هەڵەبجە لە پرێس كۆنفرانسێكدا رایگەیاند، لە تاقیگەكان پشكنینی كیمیایی بۆ هاووڵاتی بە 290 دینار دەكرێت دوای ئەوەی 500 دینار پسوڵە دەبڕێت، بەڵام ئەو گرێبەستەی كراوە كە بڕیارە تاقیگەكان بدەن بە كۆمپانیا هەمان پشكنین بە 2 هەزارو 910 دینار دەكرێت واتە 10 ئەوەندە زیاد بوە.
بەڕێوەبەری گشتی تەندروستی هەڵەبجە وتیشی: ئێمە داوامان لە تاقیگەكان كرد كۆنوسمان بۆ بنوسن تا لەسەر بنەمای زانستی بڕیار بدەین، چ ویژدانێك قبوڵ دەكات ئەو بڕە پارەیە بدرێتە ئەو كۆمپانیایەو بزنسمانێك دەوڵەمەندتر بكرێت، بۆیە ناچینە ژێر باری ئەوەی ئەم گرێبەستی تاقیگانە بدەین بەو كۆمپانیایانەی بەو مەرجەی ئێستا كە دراوە لەبەرئەوەی پسپۆڕی نییە بە 10 هێندەی خۆشی پشكنین دەكات.