شارەزایەكی ئابوری عیراق موچەی هەرسێ سەرۆكایەتییەكەی عیراق بۆ 10 مانگی ساڵی 2024 ئاشكرا دەكات و رایدەگەیەنێت كە 5 ترلیۆن دیناری تێپەڕاندوە.
نەبیل مەرسومی مامۆستای زانكۆو شارەزای ئابوری عیراق بڵاویكردۆتەوە، ئەو ژمارانەی بڵاویاندەكاتەوە تایبەتە بە 10 مانگی ساڵی 2024 و هەردو مانگەكانی 11 و 12ی تیادا نییە.
مەرسومی وتویەتی: موچەی هەرسێ سەرۆكایەتییەكەی عیراق تاكو مانگی 10ی رابردو بۆ ئەنجومەنی نوێنەرانی گەیشتۆتە 419 ملیارو سەرۆكایەتی كۆمار 36 ملیارو بۆ ئەنجومەنی وەزیرانیش 5.157 ترلیۆن دینارە.
بڵاوكردنەوەی ئەو ژمارانە لەلایەن ئەو شارەزا ئابوریەی عیراق مشتومڕێكی زۆری بەدوای خۆیدا هێناوەو گفتوگۆكان بەو ئاڕاستەیەن بودجەیەكی زەبەلاح بۆ سەرۆكایەتییەكان خەرج دەكرێت.