بەهۆی هێرشێكی ئیسرائیلەوە بۆ سەر كلینیكێكی سەر بە ئاژانسی هاوكاری و كاروبارەی پەنابەرانی فەڵەستین (ئونروا) كە لەكەمپی پەنابەرانی جەبالیا بوە لە غەزە، زیاتر لە 25 فەڵەستینی بونە قوربانی.
بەگوێرەی سەرچاوەكانی هەواڵ لە فەڵەستین كە لەزاری بەرپرسانی تەندروستییەوە بڵاویانكردوەتەوە، هێرشەكەی ئیسرائیل بۆ سەر كلینیكێكی ئونروا بوە كە ئاوارە فەڵەستینییەكانی تێدا ماونەتەوە بەو هۆیەوە 16 یان گیانیان لەدەستداوە 9 یان منداڵبون، هەروەها زۆربەی ئەوانەی لەو هێرشەدا گیانیان لەدەستداوە بەهۆی ئاگرەوە سوتاون كە بەهۆی هێرشی فڕۆكە جەنگییەكانی ئیسرائیلەوە كەوتوەتەوە.
هەر بە گوێرەی زانیارییە بڵاوكراوەكان، كلینیكەكە پێشتر بەهۆی هێرشێكی ئیسرائیلەوە زیانی زۆری بەركەوتوە، بەڵام ئەو فەڵەستینیانە وەك پەناگەیەك بەكاریانهێناوە.