وەزارەتی بازرگانی عیراق میكانزمێكی نوێ دادەنێت بۆ رێكخستنی هاوردەكردنی ئۆتۆمبێل.
محەمەد حەنون وتەبێژی وەزارەتی بازرگانی عیراق رایگەیاند، كارنامەیەك پێشكەشی وەزارەتی بازرگانی كراوە لە رێگەی كۆمپانیای گشتی ئۆتۆمبێلەوە بەمەبەستی رێكخستنی هاوردەكردنی ئۆتۆمبێل و ئەنجومەنی وزاری بۆ كاروباری ئابوری پەسەندیكردوەو رەوانەی ئەنجومەنی وەزیران كراوە.
وتیشی: وەزارەتەكەیان چاوەڕوانی دەركردنی رێنمایی حكومییە تایبەت بە میكانزمی جێبەجێكردنی هاوردەكردنی ئۆتۆمبێل بەشێوەیەكی فەرمی، وەزارەتەكەشیان سورە لەسەر جێبەجێكردنی ئەو میكانزمە لەگەڵ لایەنی پەیوەندیدا وەك بەڕێوەبەرایەتی هاتوچۆ و وەزارەتی دارایی و دەستەی گومرگ.
حەنون راشیگەیاندوە: رێكخستنی هاوردەكردنی ئۆتۆمبێل كاریگەریی گەورەی دەبێت لەسەر كەمكردنەوەی ئۆتۆمبێل لەناوخۆی عیراقدا، هەروەها رەچاوی قەرەباڵغی رێگاكانیش دەكات كە لەئێستادا فشارێكی زۆریان لەسەرە.