لیژنەی هاوبەشی قائیمقامیەتی دوكان چەندین شمەك و كاڵا دەستبەسەردا دەگرن و ژمارەیەك دوكان و ماركێتیش سزا دەدەن.
قائیمقامیەتی دوكان بڵاویكردوەتەوە، لیژنەی هاوبەشی قائیمقامیەت رۆژانی پێش جەژن و هەر سێ رۆژی جەژنی رەمەزان بەردەوامبون لە بەدواداچون و سەردانیان بۆ بازاڕو شوێنە گشتییەكان، لەئەنجامدا توانیان دەستبگرن بەسەر چەندین شمەك و كاڵای جۆراو جۆری ماوە بەسەرچو و چەندین دوكان و فرۆشگاشیان ئاگاداركردەوە لەئەگەری سەرپێچیكردنیان سزا دەدرێن و روبەڕوی یاسا دەكرێنەوە.
لەلایەن خۆشیەوە سیروان سەرحەد قائیمقامی دوكان رایگەیاندوە، لیژنە هاوبەشەكانی قائیمقامیەت دەستكراوەن لەپێناو تەندروستی هاوڵاتیان، هەمو پشتیوانییەك دەكرێن و بەردەوامدەبن لە بەدواداچونی بازاڕو شوێنە گشتییەكانی قەزاكەیاندا.