نەوا-
سەرۆكی جەهەپە لەسەر بێ ڕێزیكرنی بە ئاڵای كوردستان لەلایەن سەرۆكی شارەوانی ئەنقەرە، داوای لێبورنی كرد.
ئۆزگور ئۆزەل سەرۆكی پارتی گەلی كۆماری- جەهەپە لە چاوپێكەوتنێكدا لەسەر قسەكانی مەنسور یاڤاش، سەرۆكی گەورە شارەوانی ئەنقەرە لەبارەی بی رێزیكرنی بە ئاڵای كوردستان و شێوازی بەڕێوەچونی نەورۆز لە باكوری كوردستان ڕایگەیاند، ئەگەر قسەكانی سەرۆك شارەوانی ئەنقەرە دڵی كەسێكی شكاندبێت، وەكو سەرۆكی جەهەپە داوای لێبوردن دەكات.
ئاماژەی بەوەشكرد، پەیامی پارتەكەی لەبارەی بەڕێوەچونی نەورۆز ڕون و ئاشكرایە و هەڵوێستی فەرمیشیان ئەوەیە كە لەلایەن سەرۆكی پارتەكەوە بڵاودەكرێتەوە.
سەرۆكی جەهەپە لە كۆتایی قسەكانیدا رایگەیاند، جارێكی دیكە پیرۆزبایی نەورۆز لە هەمو خوشك و برا كوردەكانی دەكات و هەروەها سڵاویش بۆ سەلاحەدین دەمیرتاش، هاوسەرۆكی پێشوتری هەدەپە لە زیندانی "ئەدینرنە" دەنێرێت.