نەوا-
سەرۆك كۆماری توركیا رایگەیاند: بەهەماهەنگی لەگەڵ سوریا كەشێكی ئاشتیانەو ئارام و دور لەتیرۆر لە جوگرافیاكەیان دەخولقێت.
رەجەب تەیب ئەردۆغان سەرۆك كۆماری توركیا لەكۆنگرەیەكی رۆژنامەوانی هاوبەشدا لەگەڵ ئەحمەد شەرع سەرۆك كۆماری سوریا رایگەیاند: سەردانی سەرۆك كۆماری سوریا مێژوییەو سەرەتایەكە بۆ دۆستایەتی و هاوكاری نێوان دو وڵات.
وتیشی: بنەمای سیاسەتی توركیا بۆ سوریا هەر لە كۆنەوە پاراستنی یەكپارچەیی خاكی ئەو وڵاتەو پاراستنی بوە، بۆیە لەو باوەڕەدام بەهەماهەنگی لەگەڵ سوریا كەشێكی ئاشتیانەو ئارام و دور لەتیرۆر لە جوگرافیاكەمان دەخولقێت.
ئەردۆغان وتیشی: بە شەرعم راگەیاندوە كە ئامادەی هەمو هاوكارییەكن لە سوریا، ئامادەین بۆ بونیادنانەوەی شارەكانی سوریا كە وێرانكراون.