نەوا-
بەرپرسێكی پارتی دیموكراتی كوردستان لە خانەقین رایگەیاند، داعش لەسنوری پارێزگای دیالە مەترسییەو چالاكی و جموجوڵیان زۆر بوە.
ئەكبەر حەیدەر خان بەرپرسی لقی پارتی لە خانەقین بە ماڵپەڕی فەرمی حزبەكەی راگەیاندوە: داعش ماوەو كۆتایی نەهاتوە، عیراق و هەرێمی كوردستانیش بڕوای تەواویان بەوە هەیە داعش چالاكەو ئێستا چالاكییەكانیشیان بەشێوەی مەفرەزەو گروپە هەر كاتێك بزانن پشێوی هەیە دەرفەت بڕەخسێت ئەوان سودی لێ وەردەگرن.
راشیگەیاندوە، پێش چەند رۆژێك لە نزیك گوندەكانی دەوروبەری خانەقین گروپێكی چەكداری داعش كە 10 كەس بون لە كامێرا بینرابون، لە قەرەتەپەش هێرشی سەر حەشدو سوپای عیراقیان كردوە زیانی گیانی پێگەیاندون، بۆیە ئێستا داعش لە سنوری دیالە بەراورد بە رابردوو چالاكەو كردەوەی تیرۆریستیان زیادیكردوە.