هێڵی سێیه‌م پێشکەشکار : نیاز عەبدوڵڵا

بۆچوون و بیركردنه‌وه‌كان ته‌ریب و هه‌ماهه‌نگ یان جیاواز و یه‌كتربڕن، به‌ڵام بۆچوون و خوێندنه‌وه‌ی بابه‌تیانه‌ی پشتبه‌ستوو به‌ زانیاری‌ هێڵێكی تر بۆ بیركردنه‌وه‌ دەنەخشێنێت. هێڵی سێیه‌م پرۆگرامێكی هه‌فتانه‌یه‌، رۆژانی شه‌ممه‌ له‌ كاتژمێر 12:05ی نیوه‌ڕۆ راسته‌وخۆ پیشكه‌ش ده‌كرێت.

له‌م ئه‌ڵقه‌یه‌ی "هێڵی سێیه‌م"دا تاوتوێی چاره‌نووسی شوێنبزركراوانی شه‌ڕی ناوخۆ و زیندانه‌ نهێنییه‌كان و شوێنبزكردنه‌ زۆره‌ملێ تاكه‌كه‌سییه‌كان كرا له‌ كاتی ناڕه‌زایه‌تییه‌ جه‌ماوه‌رییه‌كان و تیایدا ماف و رێگاچاره‌كان بۆ پاراستنی قوربانیان و قه‌ره‌بووكردنه‌وه‌یان خرایه‌ روو و ئه‌و هه‌نگاوه‌ بنه‌ماییانه‌ باس كرا كه‌ زه‌مینه‌ی ئاشتیانه‌ی به‌یه‌كه‌وه‌ ژیان به‌رجه‌سته‌ ده‌كات له‌ بری شه‌ڕ. كۆی ئه‌م ته‌وه‌رانه‌ تاوتوێ كران به‌ میوانداری هه‌ریه‌ك له‌: زیا بوترس سه‌رۆكی ده‌سته‌ی سه‌ربه‌خۆی مافه‌كانی مرۆڤ، په‌یمان عیزه‌دین ئه‌ندامی خولی سێیه‌می په‌رله‌مانی كوردستان و ئه‌ندامی گروپی چاره‌نوس، دانا دارا به‌رپرسی دۆسیه‌ی بێسه‌روشوێنكراوانی كۆمه‌ڵی ئیسلامی و راوێژكار له‌ په‌رله‌مانی كوردستان، شۆخان حه‌مه‌ ره‌شید به‌ڕێوبه‌ری رێكخراوی هاریكاری یاسایی ژنان و پارێزه‌ری راوێژكار عه‌لی مه‌حمود چالاكوانی مه‌ده‌نی.