نەوا-
بەپێی ئامارێكی نوسینگەی مافی مرۆڤی نەتەوەیەكگرتوەكان، كۆماری ئیسلامی ئێران لەساڵی 2024دا نزیكەی هەزار كەسی بەتۆمەتی جیاواز لەسێدارە داوە.
بەپێی بەیاننامەیەكی نوسینگەی مافی مرۆڤی نەتەوەیەكگرتوەكان، ساڵی رابردو ژمارەی ئەو كەسانەی لە ئێران لەسێدارە دراون بۆ 901 كەس بەرزبۆتەوە لەنێویشیاندا 31 ژن هەن كە هەندێكیان بە تاوانی جۆراوجۆر ئەو سزایەیان بەسەردا سەپێنراوە، بەگشتیش زۆربەی لەسێدارەدانەكان لە وڵاتی ئێران بەهۆی تاوانەكانی پەیوەست بە مادە هۆشبەرەكانەوە بوە.
ڤۆڵكەر تورك كۆمیسیاری باڵای مافەكانی مرۆڤی نەتەوەیەكگرتوەكان لەوبارەیەوە وتویەتی، راستییەكی بێزاركەرە كە جارێكی دیكە ساڵ بەساڵ رێژەی ئەو كەسانەی كە سزای لەسێدارەدانیان بەسەردا سەپێنراوە لە ئێراندا دەیانبینن و كاتی ئەوە هاتوە ئێران ئەو سزایە رابگرێت.