نەوا-
دەستەی چاودێریی كۆمەڵایەتیی عێراق دەڵێت، زیاتر لە 5000 فەرمانبەر لە هەرێمی كوردستان بە نایاسایی مووچەی چاودێریی كۆمەڵایەتیی حكومەتی عێراقیان وەرگرتووە.
د. ئەحمەد خەلەف موسەوی سەرۆكی دەستەی چاودێریی كۆمەڵایەتی لە وەزارەتی كار و كاروباری كۆمەڵایەتیی عێراق رایگەیاند، دوای تەواوبوونی پرۆسەی وردبینی و هاوتاكردنی داتا و زانیارییەكانی فەرمانبەرانی هەرێمی كوردستان، دەركەوت كە زیاتر لە 5 هەزار فەرمانبەر و كارمەند لە هەرێمی كوردستان بەشێوەیەكی نایاسایی هاوكاری كۆمەڵایەتیی وەزارەتی كار و كاروباری كۆمەڵایەتیی حكومەتی فیدراڵی عێراق وەردەگرن
ئاماژەی بەوەشدا، لە رۆژی 15ی ئەم مانگەوە مووچەی چاودێریی كۆمەڵایەتی ئەو كەسانە راگیراوە و دەبێ ئەو پارەیەش بگەڕێننەوە كە وەریانگرتووە.بەشێكیان ئامادەییان دەربڕیوە پارەكە بەیەكەوە بگەڕێنەوە و بەشێكی دیكە بەش بەش پارەكە دەگەڕێننەوە.
لای خۆشیەەوە وەزارەتی كار و كاروباری كۆمەڵایەتیی هەرێمی كوردستان دەڵێت، ئەو كەسانە لە رێگەی ئەپلیكەیشنێكەوە داواكارییان پێشكێش كردووە و دواتر ناویان گەڕاوەتەوە و مووچەیان وەرگرتووە، بێ ئەوەی ئێمە ئاگادار بین.